Mér finnst flugvélar alveg magnaðar! Eins og öll tækni reyndar… En að það sé hægt að sitja inni í risastórri málmdollu sem vegur hundruð tonna, á meðan hún flýgur nokkra kílómetra fyrir ofan jörðina… Og það, án þess að finna fyrir því, finnst mér alveg magnað!
Maður tjékkar sig inn, einhverjir kallar smella töskunum inn í farangursgeymslu og svo er maður kallaður inn í vél. Sest niður, spennir beltin og svo brunar maður um loftið á allt að 1000 km hraða, 1000!! Það er næstum því hljóðhraði.. Og maður finnur eeeekkert fyrir því. Kúrir sig undir teppi, horfir á mynd, pantar bjór og nammi og jafnvel hangir á netinu.
Þó að þetta sé allt svona afskaplega einfalt, er ég svoooooo flughrædd að ég þyrfti að smella mér í dáleiðslu eða einhverjar álíka róttækar aðferðir. Í heimsreisunni voru 14 flug og ég fékk panik-kast í þeim öllum. Sandra var varla sest niður þegar hún var sofnuð, á meðan ég sat háskælandi við hliðina á henni, gnístandi tönnum og með hjartslátt upp fyrir öll heilsusamleg mörk. Flugtak og lending eru aaaallra verst, en ókyrrðin er ekkert sem ég hef gaman af heldur. Þetta var sérstaklega slæmt í lengri flugum og næturflugum, þar sem ég var alveg búin á því eftir á, enda nær maður takmarkað að hvílast þegar manni er óglatt úr hræðslu allan tímann 
Í fallhlífarstökkinu var tekið viðtal við okkur og við spurð hvað væri það besta við stökkið; að sjálfsögðu að komast útúr þessari pínulitlu, hoppuskoppuvél! Hún var skelfing og með betri tilfinningum sem ég veit um að stökkva útúr henni og þurfa ekki að fara í gegnum lendingarvesenið 
Linkur á video-ið úr fallhlífarstökkinu, það sést “smá” hvað ég er hrædd þegar það er verið að taka viðtal við mig inni í flugvélinni: http://www.skydivefranz.co.nz/gallery/54?videoID=4q516s7a14hbq10e
Við Sandra í flugvél yfir Hvíta-Rússlandi.. Ég að öllum líkindum nýbúin að skæla 
Whoooohooo
Held ég þurfi að fara að taka tilflutningspróf einsog í Harry Potter. Þá get ég haldið áfram að útlandast án þess að fara i flugvélar
Ég er einmitt líka búin að vera að pæla í þessu tilflutningsdæmi, það væri geggjað! Þá gæti maður búið á einum stað á hnettinum og unnið hinumegin á hnettinum. Svo ef maður eldar of mikið þá getur maður bara farið með afganginn til Afríku til fátæku barnanna
En það var mjög gaman að sjá fallhlífarstökks videoið, ég gat virkilega notið þess ólíkt teigjustökks videoinu þar sem ég var að farast úr stressi fyrir ykkar hönd haha 
Já, ég held að við þurfum að koma þessum tilfutningi á kortið, það er alveg á hreinu!
Haha já ég var voða lítið stressuð fyrir hoppinu sjálfu enda var það allavega helmingi minna ógeðslegt heldur en teygjustökkið.. Þessi flugvél var samt ekkert uppáhalds
Litla músin mín